Tūhono mai ki tā mātou hōtaka Oranga Taiao.
Wānanga Reo Māori
E kainamu mai nei ngā wānanga Para Kore i roto i te reo Māori – hei te marama o Āperira
Tūhono mai ki tā mātou hōtaka Oranga Taiao.
Ka whakahaerehia ēnei wānanga i te roanga atu o te rima wiki. Ka arohia te whakaiti para me te manaaki i a Papatūānuku, i a Ranginui me tō tātou whānau atua, mā te kōkiri i te anamata tukuwaro kore, para kore hoki.
Held over five weeks, these online wānanga will look at how we can reduce waste and manaaki Papatūānuku, Ranginui and our atua whānau by moving forward to a zero carbon, zero waste world.
Ko te hōtaka Oranga Taiao
Koia nei te wā tuatahi e tukuna ana tēnei hōtaka i roto i te reo Māori.
He utukore tēnei hōtaka, ā, ko te tūmanako ka whakaae mai koe ki te whakahoki whakaaro mai.
This is the first time we are delivering this programme in te reo Māori.
We are offering this programme free, and we hope you are willing to give us feedback.
Whakakawhanaungatanga + Orokohanga
8 Āperira, 2025, 4.30-5.30 ahiahi
Ka wānangahia tō tātou whakapapa hei whakatairanga i ō tātou hononga ki te ao tūroa. Koia hei tūāpapa mō te hōtaka. Tō tātou taenga mai ki konei.
Ngā Rawa Māori o te Ao Tūroa
15 Āperira, 2025, 4.30-5.30 ahiahi
Ahakoa he hautaonga noa iho ka whakamahia i ia rā, he whakapapa tōna. Ka ākona te pūtakenga mai o ā tātou hautaonga o ia rā.
Te Pūnaha Whakapeto Hautaonga
29 Āperira, 2025, 4.30-5.30 ahiahi
Ko te whakatuanui kirimā kei te pokapū o tā tātou pūnaha whakapeto o ‘te tango, te waihanga me te porowhiu’. Waihoki, he pūnaha kaiapo, he kohiko rawa, he konekone wahine, konekone takatāpui, he whakatairanga ahurea Ūropi. Me āta wewete tēnei pūnaha, ka ako ai i ngā huarahi e hoki anō ai tātou ki ngā mahi me ngā tikanga tiaki taiao tuku iho, ki ngā pūnaha āmiomio, pūnaha torokiki.
Mai i Kurawaka
6 Mei, 2025, 4.30-5.30 ahiahi
E hoki anō ki te tūhura i tā te ao Māori titiro ki te ikura, me te mātai hoki i ngā painga me ngā raruraru e hāngai ana ki ngā hanga ikura tukurau, tukutahi anō hoki.
Nā Te Mātāwai te pūtea tautoko i oti ai tēnei papakupu. Ko tō rātou whāinga matua, he whakarauora i te reo hei reo kōrero, hei reo poipoi, hei reo rangatira i ō tātou kāinga Māori me ō tātou hapori, puta noa.
This work has been made possible with funding by Te Mātāwai, whose primary goal is to restore Māori as a nurturing first language within Māori homes and communities.
Nā He Kupenga Hao i te Reo te mahi nui i oti ai te papakupu Para Kore. He rōpū iti kei Papaioea e noho ana, e hāpai ana i ngā kaupapa reo Māori i roto i te rāngai mātauranga, mātua rā, he whakaputa rauemi ako.
The translation work has been done by He Kupenga Hao i te Reo, a Māori language education and research organisation based in Palmerston North, supporting the Māori medium education sector with quality learning and teaching materials.
Rēhita mai ki tā mātou hōtaka Oranga Taiao.
Rēhita mai ki tā mātou hōtaka Oranga Taiao. Ākona ngā momo mahi manaaki i a Papatūānuku, i a Ranginui me tō tātou whānau atua.
Register now for our online Oranga Taiao programme and learn ways to manaaki Papatūānuku, Ranginui and our atua whānau.
Ko ngā rā e tū ai ngā wānanga, ko te 8, te 15 me te 29 o ngā rā Āperira, me te 6 o Mei. Me titikaha koe ki te whai wāhi mai ki ngā wānanga tuatahi e toru, kei a koe te whiriwhiri mō te wānanga whakamutunga. Tirohia mēnā e wātea ana koe i ēnei rā, kātahi ka whakaoti i te puka kei raro iho nei.
The dates for the programme are April 8th, April 15th, April 29th and May 6th. Please note, your commitment to attend the first three wānanga is required and the last wānanga is optional. Check your availability and please fill out the form below to secure your spot.